2012-02-07

郭靄明個妹可以選下

今日有報道提到郭靄明出席一個品牌宣傳活動,並透露或會幫王維基既新免費電視台拍劇,不過就唔會簽長約喎。佢仲話唔會生龍B,好enjoy同劉青雲既二人世界咁話!  都好既,而家又雙非又搶奶粉又咩蝗蟲論,生BB真係要諗過度過呀!

同場Amy既會計師妹妹郭靄欣都有到場喎。話說當年佢家姐選91港姐時,佢都有見過下報,啲傳媒仲大讚佢都應該參加港姐添!  就呢張相所見,都keep得幾好喎,不過而家應該超級超齡咗架喇,試下亞姐囉.... 哈!

佢地平時應該用唔少"神仙水"啦